في ليلة من الليالي يقال أن الزمالك أصبح مهان
بفضل ابو تريكة وجيلبرتو ومتعب الفنان
ففي هذه الليلة أعاد الأهلي أيام زمان
فتسلح الأهلي باللعيبة والله المستعان
فكسوح ابو ستة جنان اوسا اللي بصراحة غلبان
ولو كلمت واحد منهم هيقولك لولا امير تعبان
ياراجل بلا خيبة ده لو لعب كانو بقوا ستة وسبعة كمان
كالعادة ملئت المدرجات بجمهور الشجعان
وكان في هناك جمهور غلبان
وفجأة بدأت اللعيبة بالاتيان
وبدأوا بالتسخين والجريان
وبدأ جمهور الأهلي بالهيجان
وكالعادة جمهور الزمالك نعسان
وبدأ الماتش المنتظر وجت الكور من كل مكان
وبدأ ابو تريكة بالأجوان
ونهاهم متعب الفنان وظهر على الزمالكاوية الغثيان
وبدأوا بالسير والمشيان
وصفر الحكم التعبان
وراح ستيبي لجوزيه وقاله بقى كده يامان
هتقطع اكل عيشي وهرجع لزمن الشحتان
ومن هنا اصبح المدعو ستيبي فوق صفيح البركان
لا ده مجلس الإدارة كله كمان
وبدأوا الاعضاء في البوظان
وكل واحد يقول انت اللي خنت مش انا اللي خان
وبدأوا في الجري والسريان
والبحث على واحد يحل محل ستيبي الجربان
وبدأ الأهلي بالأحتفالات والرقص على الأغان
وهكذا انتهت القمة على خير وأمان

وسلامي إلى كل إنسان
قد حب الاهلي بكل إخلاص وحنان
وسلامي إلى الزمالكاوية
وأرجو عدم زعل احد مني لأنها في الأول وفي الأخر كورة يا جدعان


وإلى فوز أخر إن شاء الله

مرحبا بكم في مدونة رابطة مشجعي النادي الأهلي بالمنصورة ..
شارك برأيك ومقالاتك وتعليقاتك بكل حرية ..